PUKWANA YA TSHEDIMOŠO
Tshedimošo ya boraditheraka mabapi le go otlela ka polokego, lephelo le lebotse le go fihla gae ba bolokegile.
Pukwana yekhwi ke mošupatsela wa go dira gore o dule o phetše gabotse ge o le tseleng. E lebelele ge fela o na le nako.
Mmaditsela wa Transporoto ya Tsela ya go Putlaganya Mellwane (C-BRTA) ka tšhomišano le Kgoro ya Setšhaba ya Dinamelwa ya SA (Afrika-Borwa) di thekga maithomedi a go sedimoša baotledi ba ditheraka, bagwebakammele le batho ba ba dulago ditšhabeng tše di lego kgauswi le difero tša mellwane ka ga dipotšišo tšeo di amanago le bophelo.
Bahlahli ba ba nago le tsebo lebakeng lekhwi ba fa ditirelo tša sephiring gomme ba aba dikhondomo mafelong a a latelago a mollwaneng:
Hle a nke o boledišane le bahlahli bakhwi ba botho!
Ba ikemišeditše go amogela dipotšišo ka moka tše di amanago le bophelo bja gago.
Go bengmešomo
Ge o thwala baotledi ba ditheraka o na le boikarabelo godimo ga bona:
Na o ...?
beakanyetša tlhokomelo ya maphelo a bona (inšorense ya bophelo goba thušo ya kalafo)?
diriša morero wa maphelo wa badiredi ka moka?
ba abela tshedimošo ka ga maphelo le dikhondomo?
dumelela baotledi go tšea mogwera maetong a matelele?
hlama baotledi ka ditlelafo tša rabara tšeo ba swanetšego go di apara ge ba thuša motho yo a gobetšego?
Iphe nakwana go fetola marara a a latelago.
Na o tseba eng ka tše di latelago:
Nka fetelwa ke AIDS ge ke otlela le motho yo a swerwego ke AIDS
Aids e ka fetišetšwa go ngwana go tšwa go mmagwe
Ke swanetše go diriša khondomo ka mehla ge ke e ba le thobalano le mosadi ge ke sa tsebe gore o na le baratani ba bangwe
Ke kgona go bona ge motho a swerwe ke AIDS
Ge ke fetetšwe ke HIV, nka kgona go tšwela pele ka go otlela
Batho ba ba nago le bolwetši bja ditho tša bonna ba ka kgona go fetišetša diphetetšo tšekhwi tša bona nakong ya thobalano gomme ba kotsing ya go ka fetelwa ke HI
Ka moo o ka tsebago ge mokgotse wa gago wa thobalano a na le bolwetši bja ditho tša bonna (STD):
Na ke na le ditlhokofele goba dišo mo dithong tša ka tša bonna?
Na molekani wa ka o natšo?
Na ke na le marere(discharge), thothi goba mohlapologo wa go fiša?
Na molekani wa ka o na le marere?
Ge o re ee, na o dira eng?
Ge e le ee, wena le mokgotse wa gago (goba bakgotse) le swanetše go hwetša keletšo ya kalafo sepetleleng, kliniking goba kliniki ye e lego hleng le tsela.
Ka gobasne go bonolo go hwetša kalafo ya STD (bolwetši bja go hlolwa ke thobalano)
Ka gobane ge o na le STD gona go bonolo kudu go ka fetelwa le go phatlalatša HIV.
Na o tseba ka ga Diyunite tša Maphelo tša Tseleng le Tshedimošo?
Na nka ya kae go hwetša thušo ge ke ikwa ke babja mola ke le tseleng?
Mo tseleng ya gago o ka ya bookelong bofe le bofe bja mmušo, kliniki goba ngaka. Fela go bothata go tlogela tsela ya go lebantšha. Gape go sa le bothata le go feta go emiša theraka ya gago mosegare gomme wa e tlogela nako ye telele.
Go na le tsela ye nngwe?
Leka ye nngwe ya Dikliniki tša Maphelo tša Hleng le Tsela le Tshedimošo. Ba na le baoki ba ba nago le boitsebelo ba botho gomme o ka hwetša keletšo go tšwa go mofahloši wa tša maphelo wa profešenale ka ga bothata bofe le bofe bja kalafo. O ka phaka theraka ya gago kliniking gomme o ka be wa ya le ge e le bošego.
Na dikliniki tša hleng le tsela di aba eng?
Kalafo ya mathata a maphelo ka kakaretšo bjalo ka flu, hlogo ye e opago, letadi/malaria, mala a a lomago goba mokokotlo wo o opago.
Kalafo le keletšo ka ga bolwetši bofe le bofe bonneng bja gago di-STD
Tshedimošo malebana le moo o ka yago go dirwa teko ya HIV/.AIDS
Thušo ya pele dikgobalong tše nnyane
Dikhondomo tša mahala
Ke sephiri
Dikalafo ka moka dikliniking tša hleng le tsela ke sephiri. Khamphani goba mongmodiro wa gago a ka se ke a tseba gore o ile go ye nngwe ya dikliniki tšekhwi.
Na nka tlo lekolwa neng?
Dikliniki tšekhwi ka moka tša tseleng di bulwa go tloga manthapama go fihla bošegogare gare ga beke.
Dinako tšekhwi di tloga di loketše boraditheraka bao ba šitwago ke go ema mosegare.
Diyunite/Dikliniki Tša Maphelo Tša Hleng le Tsela le Tshedimošo di beilwe hleng le ditsela tšeo di laeditšwego mmepeng.
Leka ye nngwe ya Dikliniki Tša Maphelo tša Hleng le Tsela le Tshedimošo. Di na le baoki ba boitsebelo gomme o ka hwetša mofahloši wa tša maphelo wa profešenale ka ga bothata bofe le bofe bja kalafo. O ka phaka theraka ya gago kliniking le gona o ka tla le ge e le bošego.
Na dikliniki tšekhwi di go kae?
Setsha
Lefelo
Lekola mahlo/pono ya gago
Ge o katana le go bala maswao a dikhamphani tše o swanetšego go fološa go tšona le go bala dinomoropolata goba maina a diterata
O swanetše
Go dira gore mahlo a gago a lekolwe.
Tekolo ya ka pejana
Mosegare ema lefelong la go taga gomme o bee karata ye ka pele ga gago mo go winskrini/seširaphefo. Dulela morago madulong a gago, e ka ba 1 metara go tloga go karata.
Na ke ditlhaka tše kae tše o ka di balago o le bokgole bja 1 metara?
Karata ya tekolo ya mahlo
Na o šomile bjang?
Ge o paletšwe ke go bala ditlhaka ka moka, gona o swanetše go bona ngaka ya mahlo gore o tle o dirwe tlhahlobo ya mahlo ya profešenale.
Ge o le bodutung, o hloile gomme o goletše bao o ba ratago ...
O fetša nako ye telele o se gae gomme go na le dinako tše dingwe moo o hlologelago boiketlo bja legae la gago le barategi ba gago. Maele a se makae šea ao a tlogo go thuša gore o iketle ge o le tseleng:
Eja ka tshwanelo
Dikenywa tše foreše le merogo di tiišetša peakanyo ya gago ya go sonta gomme tša go fa maatla a mantši. Leka go efoga dijo tše di humilego le tša makhura.
Robala ka tshwanelo
Go robala ka therakeng ga go na le boiketlo, FELA boroko bjo bo lekanego bo go thuša go šoma ka phethagalo.
Retha digoba tša gago
Go otlolla maoto a gago le go ba le lenaneo la boithobollo nako le nako go tla dira gore o phafoge.
Go tšwa ka therakeng le gona go thuša gore o lapološe monagano wa gago le go khutša.
Paballommele - Go tsoga le go tloga
Le ge go se na le distopo tše dintši tše di nago le dinolofatši tša dišawara le go hlapa, leka go hlapa tšatši le lengwe le le lengwe. Paballommele ga se ya lokela fela lephelo la gago, e dira gape gore o ikwe o le foreše le go iketla.
Zoune ya kotsi
Mo tseleng o lebane l;e ditšhošetšo tše ntši. Baotledi ba fela ba hlakolwa le go thopša ka bogagapa bjalo ka ge o tseba
Ka fao hlokomela gomme ka mehla dula o phafogile go efoga masetlapelo.
A na o be o tseba?
HIV ke ye nngwe ya dikotsi tše kgolokgolo go baotledi. HIV ke twatši yeo e hlolago AIDS. E kotsi kudu ka gobane ge o ka fetelwa ke twatši ye, ga go na le kalafo gomme bophelo bja gago bo tla fokotšega.
Lekola dikarabo tše di nepagetšegpo go dipotšišo tša marara letlakaleng le le fetilego.
Maaka. O ka se kgone go fetelwa ke HIV ge o otlela le motho yo a nago le HI
mmeleng wa gagwe. O ka swarwa ke AIDS fela ge o robalana bošaedi le motho yoo a fetetšwego ke HIV goba ge o kgoma madi ao a nago le twatši. Le ke lona lebaka le le dirago gore ka mehla o šomiše khondomo ge o eba le thobalano. Gape ebile ke lona lebaka le le le dirago gore o apare ditlelafo ge o thuša motho yo a gobetšego.
Maaka. Ga go na le kalafo ya AIDS. Ngaka e ka se kgone go go alafa. Ngaka ya setšo e ka se kgone go go alafa. Ge o fetetšwe o swanetše go hwetša dihlare tše di kgethegilego le keletšo ye e kgethegilego ya kalafo.
Nnete. Mosadi wa moimana yo a nago le HIV/AIDS a ka fetetša twatši ye go ngwana wa gagwe nakong ya pelego le nakong ya go nyantšha. Go bohlokwa gore basadi ba ba imilego ba dirwe teko ya AIDS. Ba ka hwetša keletšo go dikliniki tša pele ga pelego. Thušo ye e ka fa leseana sebaka se sebotse.
Nnete Dikhondomo di ka go šireletša phetetšong ya HIV/AIDS ge o di šomiša ka tshwanelo le gona ka mehla.
Maaka O ka se kgone go bona motho ge a fetetšwe ke HIV. Batho ba ka bonala ba phetše gabotse mme ba iketlile, Eupša le ge go le bjalo ba ka no ba ba na le seemo sa phosithifi sa HIV. Ka thokong ye nngwe, batho ba ba bonalago ba ssesefetše mme ba fokola ba ka no se be ba fetetšwe ke twatši. Ke fela teko ya AIDS yeo e ka go botšago ge e le gore o rwele twatši yekhwi mmeleng wa gago, goba ga se wa fetelwa.
Nnete.Ge o se be wa hwetša o le seemong sa phosithifi sa HIV, ga se mafelelo a ditaba. O ka phela lebaka le letelele gomme o ka tšwela pele ka go otlela. Fela o tla swanela ke go yo hwetša keletšo ya kalafo ka mehla. O tla swanela ke go ithuta go ja ka tshwanelo le go ithobolla ka mehla, gomme o tla tlamega go efoga go nwa le go kgoga.
Le ge go le bjalo ge o fetetšwe ke HIV o na le boikarabelo bja go se fetetše mosadi wa gago go ba mokgotse ofe le ofe wa gago. Ke gona o swanetše go gopola ka mehla go diriša khonfodomo ka tshwanelo nako le nako ge o eba le thobalano.
Nnete.Batho bao ba swerwego ke malwetši dithong tša bona tša bonna (di-STD)
go bonolo kudu gore ba fetelwe ke HIV nakong ya thobalano yeo e sego ya bolokega le motho wa seemo sa phosithifi sa HIV. Balekani ba bona ba thobalano go na le kotsi ye kgolo ya gore ba ka fetelwa ke HIV/AIDS. Ge o na le STD gona hwetša keletšo ya kalafo ka bjako. Di-STD di ka alafša ka ntle le ditshenyegelo goba bohloko.Bolela ka tokologo le mokgotse wa gago wa thobalano goba bakgotse mabapi le mathata a gago gomme o ba hlohleletše go bolela ka yona.
Dintlha tša gago e bile tše kae tekong ya gago?
Dikarabo tše di nepagetšego tše 5 go ya go tše 7
Tsebo ya gago ka ga HIV/AIDS ke ye botse gomme o tseba gore o ka iphemela bjang kgahlano le phetelo
Le ge go le bjalo, kgonthiša gore ga o amege ka go thobalano ye e sa bolokegago.
O na le boikarabelo bja go abelana tsebo ya gago le baotledi ba bangwe bao ba kago nyaka keletšo ya gago.
Dikarabo tše di nepagetšego tše 4 goba ka fasana
Lekola dikarabo tšeo o di fošitšego. Kgonthiša gore ga o amege ka go thobalano ye e sa bolokegago .O swanetše go rwala boikarabelo bjo bogolwane. Gape, kgonthiša gore seo o se dirago ga se go bee kotasing ya go ka fetelwa.
O swanetše go hwetša tshedimošo ye nngwe gape. Methopo ya tshedimošo ke: bengmediro, dikliniki, dipetlele, Diyunite tša Tshedimošo tsa hkleng le tsela. Megala ya thušo a AIDS.
Na nka itšhireletša bjang?
Tseba mokgotse wa gago wa thobalano. Kotsi ya go fetelwa ke HIV ke ye kgolo ka bakgotse bao o sa ba tsebego. Bontši bja batho bao ba fetetšwego, ga ba tsebe gore ba fetetšwe. Bolela le mokgotse wa gago ka tokologo ka ga kotsi ya AIDS. Diriša thobalano ye e bolokegilego nako le nako ge o robalana ge o se na le nnete ya gore mokgotse wa gago ga na le HIV.
Ge o enwa bjala goba o kgoga lebake o ka no lahlegelwa ke taolo ya maitshwaro a gago. O ka no dumela gabose le go robalana gomme o ka no lebala go diriša khondomo. Fela o a tseba gore ga se wa swanela go otlela ge o enwa bjala goba o kgoga lebake. Ka mehla phela o swere dikhondomo mo go wena. Ga o tsebe gore o ka kopana le mang, goba ka moo o ka ikwago ka gona. Ga se gantši o tseba gore o ka feleletša o dirile eng.
Thobalano ye e bolokegilego
Ka mehla diriša khondomo ge o sa tsbe goba o sa tshepe mokgotse wa gago, gomme on se tsoge o ile go mogwebakammele ka ntle le khondomo.
O ka reka dikhondomo ka khemiseng, disuphamaketeng goba diteišeneng tša petrolo. O ka di hwetša mahala mo go Diyunite Tša Maphelo Tša Hleng le Tsela le Tshedimošo, dikliniking le dipetleleng. šomiša dikhonodomo ka tshwanelo. Lebelela ditaelo.
Ke fela teko ya ka laporatoring yeo e ka go laetšago gore o na le HIV goba ga o nayo. Ke taba ye botse go tšea teko le go hwetša ge e le gore o na le HIV/AIDS goba aowa. E tloša maikutlo a kgakanego. Gape e bile e go thuša go beakanya ka tshwanelo.
O ka tšea teko kliniking goba sepetlele goba o ka hwetša ngaka ya praebete gore e go leke.Baeletši ba ba kgethegilego ba profešenale ba tla bolela le wena ka noši le gona sephiring pele ga ge o tšea teko le ka morago ga ge o hweditše dipoelo. Dipoelo tša teko di tla fiwa wena fela. Ga go yo a tlogo tseba ka ga dipoelo tše. Gantši teko ye ke ya mahala.
Bjalo ka monna o na le maikarabelo a mantši ...
O na le boikarabelo godimno ga mosadi wa gago, bagwera le maloko a mangwe a lapa la gago.
Go bohokwa gore o hlokomele lephelo la lapa la gago le gore ga o fetetše malwetši a go swana le di-STD goba HIV/AIDS mosading wa gago. šireletša bophelo bja gagwe! Elelwa gore ge a ka ima gomme a na le HIV/AIDS, ngwana wa gago a ka no fetetwwa le yena. šireletša bophelo bja ngwana wa gago.
Go ba le maikarabelo go šupa gore o hlokomela le mosadi yoo o robalanago le yena. Kgonthiša gore ga o ba fetetše malwetši gomnme o hlokomele gore ga o hwetše phetetšo go bona.
Eya go bolela ka ga lephelo le polokego le badirikawena. Mohlomongwe le bona ba badile letlakala lekhwi gomme ba nyaka go bolela.
Wena le theraka ya gago
Kgonthiša gore theraka ya gago e hlokomelwa ka tshwanelo. Polokego ya gago e bohlokwa, gomme polokego e lakwa ke theraka yeo e loketšego tsela.
O se ke wa fa AIDS sebaka.
Megala ya thušo ya AIDS
Ge o sa nyaka tshedimošo ye nngwe gape, hle leletša C-BRTA: +27 827819484
